ചർമ്മകാന്തിക്കും യൗവ്വനത്തിനും - Beauty Tips

 ചർമ്മകാന്തിക്കും യൗവ്വനത്തിനും

ചർമ്മം വരളുന്നതുകൊണ്ടുണ്ടാകുന്ന ദോഷഫലങ്ങളാണ് ചർമ്മത്തിലുണ്ടാവുന്ന ചുളിവുകൾ. ഈ പ്രശ്നത്തിന് കരുതലെന്ന നിലയിൽ ചില കുറിപ്പുകൾ നൽകുന്നു. 

മുഖത്തെ ചുളിവുകൾ മാറാൻ 

 * പഴുത്ത വാഴപ്പഴം ഒരു ടീസ്പൺ തേൻ ചേർത്ത് മിക്സിയിൽ അടിച്ചെടുത്ത് മുഖത്ത് തേച്ചു പിടിപ്പിച്ച് പതിനഞ്ചു മിനിറ്റുകൾക്കു ശേഷം കഴുകുക. ചർമ്മത്തിന്റെ വരൾച്ച തടഞ്ഞ് മുഖത്ത് ഈർപ്പം നിലനിർത്താൻ ഇത് സഹായിക്കും. 

 * അവക്കോടാ പഴത്തിന്റെ തോലകറ്റി മിക്സിയിലിട്ട് അടിച്ചെടുത്ത് മുഖം നന്നായി കഴുകിയശേഷം, ലേപനം ചെയ്യുക. പതിനഞ്ചുമിനിറ്റുകൾക്കുശേഷം മുഖം കഴുകുക. നിത്യവും അല്ലെങ്കിൽ രണ്ട് ദിവസത്തിലൊരിക്കൽ ഇത് ചെയ്തുപോന്നാൽ മുഖത്തെ ചർമ്മത്തിലെ ചുളിവുകൾ മാറുമെന്ന് മാത്രമല്ല, വീണ്ടും ചുളിവുകൾ ഉണ്ടാവുകയുമില്ല. 

 * മുട്ടയുടെ വെള്ള മാത്രമെടുത്ത് മുഖത്ത് തടവി ഉണങ്ങിയ ശേഷം കഴുകുക. ആഴ്ചയിൽ ഒരിക്കൽ ഇതു ചെയ്തുപോന്നാൽ ചർമ്മത്തിന്റെ ചുളിവുകൾ മാറി യൗവ്വനം നിലനിൽക്കും. 

 കഴുത്തിന്റെ കാന്തിക്ക്...

* കഴുത്ത് ദിവസവും സ്കബ് ചെയ്താൽ തന്നെ കഴുത്തിന് തിളക്കമുണ്ടാവും. സപ്പോട്ട, തണ്ണിമത്തൻ, ഞാവൽ ഇവയിൽ ഏതെങ്കിലും ഒരു പഴത്തിന്റെ കുരു ഉണക്കി പൊടിച്ചുവെയ്ക്കുക. ഇതാണ് ചർമ്മത്തിനുള്ള പ്രകൃതിദത്തമായ സകബ്. ഈ പൊടിയോടൊപ്പം ഏതെങ്കിലും പഴത്തിന്റെ മാംസള ഭാഗവും ചേർത്ത് വിരലുകൾ കൊണ്ട് ചെറിയ വട്ടങ്ങൾ പോലെ അഞ്ചുമിനിറ്റ് നേരം മസാജ് ചെയ്യുക. എന്നിട്ട് ഉണങ്ങിയശേഷം കഴുകുക. അഴുക്കുകളും നശിച്ച കോശങ്ങളും നീങ്ങി കഴുത്തിന്റെ കാന്തി വർദ്ധിക്കും. 

 * ഇതേ സ്കബ്പൊടി അര ടീസ്പൺ എടുത്ത് ഒരു ടീസ്പൺ കടലമാവും ആവശ്യത്തിന് വെള്ളവും ചേർത്ത് കുഴച്ച് കഴുത്തിൽ തേച്ച് പതിനഞ്ചു മിനിറ്റുകൾക്ക് ശേഷം കഴുകിയാൽ കഴുത്തിലെ നശിച്ച സെല്ലുകളെ (കോശങ്ങൾ) അകറ്റി കഴുത്തിന് മൃദുലതയേകും. 

 * കഴുത്ത് വെള്ളംകൊണ്ട് നനച്ച് ഒരു സ്പൺ പഞ്ചസാര കൊണ്ട് കഴുത്തിന് മസാജ് ചെയ്യുക. ഈ എളുപ്പമാർഗ്ഗം നശിച്ച സെല്ലുകളെ അകറ്റി കാല കമേണ കഴുത്തിന്റെ കറുപ്പും മാറ്റും.